Famous Urdu Quotes

FAMOUS URDU QUOTES

انمول موتی
٭٭٭٭٭٭٭٭

مومن کے لئے ہر وہ دن عید ہےجس میں اس نے کوئی گناہ نہ کیا ہو ۔
٭٭٭٭٭٭٭٭

فکر سے محروم قومیں بالاآخر تباہ و برباد ہو جاتی ہیں ۔
٭٭٭٭٭٭٭٭

موت سے ڈرو کیونکہ موت ہی اصل زندگی ہے ۔
٭٭٭٭٭٭٭

تین چیزیں انسان کو کھا جاتی ہیں ۔ حسد ، غرور اور حرص ۔
٭٭٭٭٭٭٭

عقل مند وہ ہے جو ہر حال میں سچ بولے ۔
٭٭٭٭٭٭٭

آج عمل کا دن ہے اور حساب نہیں ہے ۔ کل حساب کا دن ہو گا لیکن عمل نہ
ہو سکے گا ۔
٭٭٭٭٭٭٭

خواہشوں کی پیروی حق سے روک دیتی ہے اور امیدوں کا پھیلاؤ آخرت کو
بھلا دیتا ہے ۔
٭٭٭٭٭٭٭

Famous Urdu Quotes

جو اچھی بات سنو لکھ لو اور جو لکھو اس کو حفظ کرلو جو حفظ ہیں ان کو بیان کردو۔

********
جب بادشاہ کی صحبت میسر ہو تو اس کے ساتھ ایسا برتائو کرو جس طرح عاقل عورت بے وقوف شوہر کو راضی کرتی ہے۔
********

 میں نے ایسا کوئی شخص نہیں دیکھا ہے کہ گفتگو کرنے سے پہلے جس کی ہیبت مجھ پر چھا گئی ہو۔ البتہ اگر وہ شخص فصیح ہے تو میرے دل میں اس کی عظمت ہوتی ہے ورنہ وہ میری نظروں سے گر جاتا ہے۔
  غلاموں کی بے ادبی اس کے مالک کے حلم کی دلیل ہے۔
********

 ٭جو لوگ ہم سے پہلے تھے وہ ہمارے واسطے قابلِ اقتدا ہیں اور جو ہمارے بعد آئیں گے ہم ان کے واسطے عبرت ہیں۔
********

 ٭جو لوگ دولتِ دنیا کے طالب ہیں اگر وہ زمانہ کی سختیاں نہ اٹھا سکیں تو پھر اپنے مقصد میں ناکامیاب ہونے کی شکایت نہ کریں۔
********

٭جس شے کا دینا تجویز کرلیا گیا ہو پھر اس کے دینے میں توقف کرنا غایت درجہ کی بخیلی ہے۔
********

 ٭جس شخص میں فیاضی اور علم تکبر کے ساتھ ہو اس سے یہ کہیں بہتر ہے کہ اس میں بخل اور جہل حلم کے ساتھ ہو۔
********

٭عالم دانشمند وہی ہے جو حوادثِ روزگار سے ایسا ہی بے پروا ہو جیسے دریا اپنے میں کنکر پتھر پھینکے جانے سے ہوتا ہے۔
********

 ٭انسان کے جسم سے خون خارج کرنے کے لیے دو نشتر ہیں جن میں پہلا نشتر مفلس کو دولت کثیر کی خواہش ہے اور دوسرا نشتر باوجود کمزوری کے دوسروں پر برہمی۔
********

٭دو شخصوں کو کمر میں پتھر باندھ کر دریا میں غرق کر دینا چاہیے۔ ایک تو ایسے دولت مند کو جو اپنی دولت میں مستحق لوگوں کو شریک نہ کرے۔ دوسرے ایسے مفلس کو جو باوجود افلاس کے خدا کی عبادت نہ کرے۔
********


٭چھ شخص محسنوں کے احسان کی وقعت اور پروا نہیں کرتے۔

(1)، فارغ التحصیل شاگرد اپنے استاد کی۔
(2)، اہل و عیال والی اولاد اپنی ماںکی۔
(3) خواہشات نفسانی سے سیر آدمی عورت کی۔
 (4)، اہل غرض ایسے شخص کی جس سے غرض حاصل ہوگئی ہو۔
(5)، طوفان سے بچا ہوا آدمی کشتی کی۔
(6 )، صحت کے بعد مریض طبیب کی۔

******** 
جس طرح شہد کی مکھی پھول کو قائم رکھ کر اس میں سے صرف شہد لے لیا کرتی ہے علیٰ ہذاحکمران کو لازم ہے کہ رعایا کی حیثیت قائم رکھ کر ان سے محاصل وصول کرے۔
********

 ٭راستی سے نیکی کی۔ مطالعہ سے علم کی۔ نیک روی سے حسن کی۔ نیک طریق سے خاندان کی۔ ناپ تول سے غلہ کی اور سادہ لباس سے عورت کی عصمت کی حفاظت ہوتی ہے۔
********

 ٭قوانین قدرت سے انحراف کرنے والا سزا سے کبھی محفوظ نہیں رہ سکتا۔ ٭ایک بارکہا میں نے یقین کیا۔ دوسری دفعہ کہا شک ہوگیا۔ قسم کھائی جھوٹ سمجھا۔
********

٭نفسانی خواہشوں کو ترقی دینے والا ہرگز کسی دوسری ترقی کا بوجھ اپنے کندھوں پر نہیں اٹھا سکتا۔
********

Famous Ursu Quotes

امن چاہتے ہو تو اپنے کان اور آنکھیں کھلی رکھو مگر زبان بند

٭٭٭٭٭٭

نا امیدی روح کی موت ہے ۔

٭٭٭٭٭٭

ناراضی ظاہر کرنا ، دل میں برائی رکھنے سے بہتر ہے۔

٭٭٭٭٭٭

کوئی آئینہ انسان کی اتنی حقیقی تصویر پیش نہیں کر سکتا ، جتنی اس کی گفتگو۔

٭٭٭٭٭٭

کسی کا دل مت دکھاؤ ، کہیں ایسا نہ ہو کہ اس کے آنسو تمہاری سزا بن جائیں۔

٭٭٭٭٭٭

اگر دولت مند بننا چاہتے ہو تو اپنی فرصت ضائع نہ کرو۔

٭٭٭٭٭٭

جو عقلمند سے لڑے ، وہ عزت کی توقع نہ کرے۔

٭٭٭٭٭٭

ضرورت سے زیادہ صبر کرنے سے میٹھا پھل بھی خراب ہو جاتا ہے۔

٭٭٭٭٭٭

زندگی کی قدر آخرسانس لینے والے سے پوچھو۔

٭٭٭٭٭٭

FAMOUS URDU QUOTES

جبلت

انسان کو اللہ نے ایسا بنایا ہے کہ وہ ہر چھوٹے سے چھوٹے معاملے میں بھی ممتاز نظر آنا چاہتا ہے ۔ اس جیسا کوئی نہ ہو  ، اس جیسا بنگلہ کسی کا نہ ہو ۔ اس جیسی گاڑی کسی کے پاس نہ ہو ۔مگر جب نظرئیے کی بات آتی ہے تو چاہتا ہے سب اسی طرح سوچیں جس طرح وہ سوچتا ہے ، سب وہی محسوس کریں جو وہ محسوس کرتا ہے ۔ اگرچہ یہ جبلت ہے ۔ محمود اس وقت ہو جائے گی جب اسی جبلت کو شعوری طور پر سنوار کر اس کے نا محمود حصے حزف کر دئیے جائیں ۔

FUNNY URDU QUOTES

Famous Urdu Quotes

Famous Urdu Q!uotes

اچھی بات کہنا نیکی ہے۔۔۔۔۔۔۔۔ اسی طرح لا یعنی گفتگو سے خاموشی بھی نیکی ہے۔

٭٭٭٭٭٭٭٭

مخلوق کی ایذاؤں پر صبر کرنا ۔۔۔۔۔۔۔۔ دین و دنیا میں ترقی کا ذریعہ ہے۔

٭٭٭٭٭٭٭٭

دل سنوار لیجیئے۔۔۔۔۔۔۔۔ آپ کی دنیا و آخرت سنور جائے گی۔

٭٭٭٭٭٭٭

دین کا ایک مسئلہ سیکھنا ۔۔۔۔۔۔۔۔ ہزاروں نوافل سے بہتر ہے۔

٭٭٭٭٭٭٭

خالق کو راضی کرنے کا طریقہ۔۔۔۔۔۔۔مخلوق خدا کی خدمت کرو۔

٭٭٭٭٭٭٭٭٭٭

Famous Urdu Quotes

لیڈیز فرسٹ

**********

وہ دونوں بری طرح ایک دوسرے کے عشق میں مبتلا تھے۔
لیکن ان کے والدین ان کی یک جائی کے خلاف تھے ۔ دونوں
نے سارے جتن کر لئے لیکن ان کا گھر بسانے کا خواب شرمندہ
تعبیر ہوتا نظر آیا ۔ آخرکار دونوں نے قریبی پہاڑ کی چوٹی سے
کود کر خودکشی کرنے کا فیصلہ کر لیا۔

راوی کہتا ہے کہ مقررہ چوٹی پر پہنچنے کے بعد لڑکے پر خوف
اور رقت نے غلبہ پا لیا ۔ اس کے اپنے ساتھی کی خود کشی کا منظر
دیکھنا نہ رہا۔۔۔۔۔۔۔۔۔ اسے ڈر تھا کہ چیختی چلاتی معشوق کے گھاٹی
میں گرنے کا اندوہناک منظر دیکھ کر وہ خود کشی کرنے سے
پہلے ہی مرجائے گا۔
 
فیلصہ ہوا کہ پہلے لڑکا چھلانگ لگائے ۔ وہ آنکھیں بند کر کے
 بلند چوٹی سے گھاٹی میں کود گیا۔ لڑکی کے لئے اس کی آخری حالت
قابل دید اور قابل رحم تھی ۔ اپنے دوست کی آخری چیخوں کے بعد
اس نے اپنا ارادہ بدل دیا اور اس بے ہودہ انداز میں اپنی جان گنوانے
کی بجائے واپس چل دی ۔

ایک متبادل ساتھی پہلے سے اس کی نظر میں تھا ۔ اس بار گھر والے
آڑے نہ آئے اور اس نے گھر بسا لیا ۔ سیانوں کے یہ واقعہ عبرت اثر
تھا ۔ انہوں نے نتیجہ اخذ کیا کی عورت قابل اعتبار نہیں ، جب بھی کوئی
فیصلہ ہو تو عورت کو اس پر پہلے عمل کرنا ہو گا ۔ تاکہ اس کی راہ مسدود
ہو جائے اور مرد بے چارہ مفت میں نہ مارا جائے ۔

سیانوں کا یہ مشاہدہ اس قدر مقبول ہوا کہ آج ہر طرف  " لیڈیز فرسٹ "
کا اصول کار فرما نظر آتا ہے ۔

**********

Famous Urdu Quotes

یہ حقیقت ہے

***********

موجودہ مہنگائی اور بے روز گاری نے سفید پوش طبقے کا بھرم ختم کر دیا ہے۔

٭٭٭٭٭٭٭٭

ہمارے لیڈر عوام سے اعتماد کا ووٹ لیتے ہیں مگر قوم پر اعتماد نہیں کرتے۔

٭٭٭٭٭٭٭٭

اچھے تعلقات اب صرف اس وقت تک قائم رہتے ہیں ،جب تک آپ دوسروں کو

رکھ سکیں ۔

٭٭٭٭٭٭٭٭

جب کسی معاشرے میں ناانصافی انتہا کو پہنچ جائے تو خوشحالی ختم ہو جاتی ہے۔

٭٭٭٭٭٭٭٭

ہم کسی کے مرنے پر خوب روتے ہیں لیکن جو مہنگائی اور بے روز گاری سے مر رہے ہیں ان کی خبر نہیں لیتے۔

٭٭٭٭٭٭٭٭

سیاسی لیڈروں کے آج کے خوشحالی کے وعدے  کل کے ٹیکس بن جاتے ہیں۔

٭٭٭٭٭٭٭٭

ہم سے کوئی عمر پوچھے تو ہم گزری عمر بتاتے ہیں حالانکہ ہماری اصل عمر وہ ہے جو باقی ہے۔

٭٭٭٭٭٭٭٭

Lovely Urdu Quotes

دوستی کیا ہے ؟

٭٭٭٭٭٭٭

کہنے کو تو یہ لفظ  چھوٹا ہے یعنی پانچ الفاظ کا مجموعہ ہے لیکن دوستی و جزبہ ہے ، تو چاند کی چاندنی ،

پھول کی آواز اور بہار کی آواز سے مل کر بنتا ہے۔

دنیا  میں نایاب چیز پر خلوص دوستی ہوتی ہے،جو اس سے محروم رہا ، وہ عظیم نعمت سے محروم

رہا ۔ دوستی کو عظیم بنانے کے لئے دریا جیسی سخاوت، سورج جیسی شفقت اور زمین جیسا جزبہ

ہونا چاہیے۔ دوستی ایسا بیج ہے ، جسے بویا اور کاٹا جا سکتا ہے ۔ ایک اچھا دوست بڑی مشکل سے ملتا

ہے۔

انسانیت نے ہزاروں برس پہلے پہاڑوں کی بلندی ،جھرنوں کے ترنم ،کلیوں کی معصومیت

پھولوں کا تبسم اور فرشتوں کے نور کو یکجا کر کے، جس مقدس رشتے کو جنم دیا ، اس کا نام دوستی

ہے۔

دوست۔۔۔ د سے دیانتدار ، و سے وفا دار ، س سے سچا اور ت سے تابعدار ہو ۔اگر کسی میں

خصوصیت ہیں تو اسے فورا اپنا دوست بنا لو ۔

Famous Urdu Quotes

مہکتی کلیاں

جس  طرح شبنم کے قطرے مرجھائے ہوئے پھول کو تازگی دیتے ہیں ، اس طرح  اچھے الفاظ

مایوس دلوں کو روشنی عطا کرتے ہیں۔

٭٭٭٭٭٭٭٭

اپنے آپ کو دانا سمجھنے والو ، اس بات کا بھی اندازہ لگاؤ کہ  تم میں کیا کیا نادانیاں ہیں ۔

٭٭٭٭٭٭٭٭

بحث و مباحثہ ہمیشہ خطرناک ہوتا ہے۔ اس سے اکثر سرد مہری اور غلط فہمی بڑھتی ہے۔

ممکن ہے اپنے دوست سے جیت جاؤ مگر ساتھ ہی اپنے دوست کو کھو بھی دو گے۔

٭٭٭٭٭٭٭٭

ہمیشہ انہیں نظر انداز مت کرو ، جو تمہاری پروا کرتے ہیں، ورنہ  ایک دن

تمہیں احساس ہوگا کہ پتھر جمع کرتے کرتے تم نے ہیرا گنوا دیا ہے ۔

٭٭٭٭٭٭٭٭

خزاں کے گرتے پتوں کو حقیر مت سمجھنا کیونکہ ان پتوں کے گرنے سے

بہار آتی ہے۔

٭٭٭٭٭٭٭٭

Famous Urdu Quotes

اللہ والوں کی باتیں

٭٭٭٭٭٭٭

دولت ایمان

حضرت عبید بن عمیر رحمہاللہ فرماتے ہیں ۔

دنیا اللہ کے نزدیک حقیر چیز ہے اسے بھی عطا فرماتے ہیں

جس سے محبت کرتے ہیں اور اسے بھی جس سے محبت نہیں

کرتے لیکن ایمان صرف اسی کو عطا فرماتے ہیں جس سے

محبت کرتے ہیں ۔

٭٭٭٭٭٭٭

مقام علم

حضرت  یحیی بن ابی کثیر رحمتہ اللہ نے ارشاد فرمایا

قرآن کریم اور علم فقہ کی تعلیم میں مشغول رہنا نفلی

نماز میں مشغول رہنے کے برابر ہے ۔

٭٭٭٭٭٭٭

فراست

حضرت ابو  جعفر رحمتہ اللہ فرماتے ہیں ۔

اپنے بھائی کے دل میں محبت کو پہچان کو گے اس محبت

سے جو تمہارے دل میں اس کے لئے ہے ۔

٭٭٭٭٭٭

دنیا وآخرت

حضرت ابو حازم رحمتہ اللہ سے منقول ہے

دنیا کا قلیل آخرت کے کثیر  سے مشغول کر دیتا ہے اس لئے

کہ اپنے آپ کو دوسرے  کے غم میں مشغول کر دیتا ہے ۔یہاں

تک کہ صاحب غم سے زیادہ غمکین ہوتا ہے ۔

٭٭٭٭٭

دنیا کی فریب کاریاں

حضرت میموں بن مہران رحمتہ اللہ  کہتے ہیں

دنیا میٹھی اور ہری بھری ہے اور اسکو خواہشات اور شیطان

سے بھر دیا گیا ہےجو کہ حاضر اور چالاک دشمن ہے آخرت

کا معاملہ آنے والا ہے اور دنیا کا معاملہ جلد جانیوالا ہے۔

٭٭٭٭٭

قبولیت دعا کا ایک وقت

حضرت عون رحمہ اللہ فرماتے ہیں

اپنی اہم ضرویا ت کو فرض نمازوں کے بعد مانگو کیونکہ فرض

نماز کے بعد مانگی ہوئی دعا باقی دعاؤں پر ایسی ہی فضیلت رکھتی

ہے جیسی فرض نماز نفل نمازوں پر ۔

٭٭٭٭٭٭٭

Urdu Aqwal-e-Zareen

خود اعتمادی ۔۔۔۔۔۔۔۔ایک انمول تحفہ

٭٭٭٭٭٭٭٭٭٭٭٭٭

زندگی کے کسی میدان میں دوسرے کا انداز اپنا کر کامیابی تک پہنچنے کی کوشش مت کیجئے ۔

٭٭٭٭٭٭٭٭٭

کبھی یہ مت سوچئے کہ آپ کسی سے کمتر ہیں ہا آپ میں صلاحتوں کا فقدان ہے ۔

٭٭٭٭٭٭٭٭٭

آپ کا سب سے مختلف ہونا اس بات کا ثبوت ہے کہ آپ کی خوبیاں اور صلاحتیں بھی

دوسروں سے مختلف ہیں ۔

٭٭٭٭٭٭٭٭٭

تجربے کا نچوڑ یہی ہے کہ سارا فن اپنی شخصیت کو سمجھنے میں ہے ۔

٭٭٭٭٭٭٭٭٭

نتیجہ چاہے کچھ بھی نکلے ، آپ کو اپنی زمین کاشت کرنی چائیے ۔

جو کچھ بھی ہو ، زندگی کے آرکسڑا میں اپنی ذاتی دھن ہی بجائیے ۔

٭٭٭٭٭٭٭٭٭

یہ طے ہے کہ آپ کی اپنی صلاحتیں دوسروں سے منفرد اور کامیابی کی ضمانت ہیں ۔

٭٭٭٭٭٭٭٭٭٭٭

اپنی زندگی پر اعتماد ، خوشحال زندگی کا بہترین ذریعہ ہے ۔

٭٭٭٭٭٭٭٭٭

Inspirational Urdu Quotes

بین الاقوامی کہاوتیں

٭٭٭٭٭٭٭٭٭٭٭٭٭٭

جہاں دو آدمی اکٹھے ہوں ، وہاں مت رکو ۔ ( پاکستانی کہاوت )

٭٭٭٭٭٭٭٭٭

اگر تم خود ترقی نہیں کر سکتے تو دوسروں کو ترقی کرتے دیکھ کر آنکھیں بند مت کرو ۔ ( جرمن کہاوت )

٭٭٭٭٭٭٭٭٭

سوئے ہوئے کتے کو سویا رہنے دو ، بیدار ہو کر وہ آپ پر بھونکے گا ۔ ( ترکش کہاوت )

٭٭٭٭٭٭٭٭٭

تلوار اور عورت کی چلتی زبان روکنا ہی اصل بہادری ہے ۔ ( روسی کہاوت )

٭٭٭٭٭٭٭٭٭

آپ کا دماغ تو بڑھ سکتا ہے لیکن عورت کی عمر ساری زندگی  نہیں بڑھتی ۔ ( ایرانی کہاوت )

٭٭٭٭٭٭٭٭٭

روتی ہوئی عورت بیمہ ایجنٹ کی باتوں پر کبھی اعتبار مت کرو ۔ ( جاپانی کہاوت )

٭٭٭٭٭٭٭٭٭

اگر کوئی کتا آپ پر بھونک رہا ہو تو آپ اس پر چلانا شروع مت ہو جائیں ۔ ( یونانی کہاوت )

٭٭٭٭٭٭٭٭٭

ساس ری ساس ، تیرا کون سا دانت سیدھا ۔ ( بنگلا دیشی کہاوت )

٭٭٭٭٭٭٭٭٭

Famous Urdu Quotes

باتیں جو زندگی بدل دیں

٭٭٭٭٭٭٭٭٭

خوبیاں قربانیوں سے پیدا ہوتی ہیں۔

٭٭٭٭٭٭٭

سب سے اچھی زندگی وہ شخص بسر کر رہا ہے ۔ جو اپنی ضرویات

پوری کرنے کے لیے کسی غیر پر بھروسہ نہیں کرتا ۔

٭٭٭٭٭٭٭٭٭٭

وہ خوراک نہیں زہر ہے جسے ایک کھائے اور دوسرا حسرت سے دیکھے۔

٭٭٭٭٭٭٭٭

ایک جھوٹ آدھی دنیا کا سفر کر لیتا ہے ۔ جب کہ ایک سچ ابھی تسمے

ہی باندھ رہا ہوتا ہے ۔

٭٭٭٭٭٭٭٭

کسی کو لاجواب کرنا اچھا ہے لیکن اسے قائل کر لینا اس سے بھی اچھا ہے۔

٭٭٭٭٭٭٭٭

کسی سے تلخ ہوتے وقت اتنی گنجائش ضرور رکھو اگر وہ واپس آئے تو

راستہ زیادہ کٹھن نہ ہو ۔

٭٭٭٭٭٭٭٭٭

کچھ لوگ صرف دیکھے جانے کے لئے ہوتے ہیں ۔ کچھ صرف گفتگو کے

لئے ہوتے ہیں ۔ اور چند لوگ ایسے ہوتے ہیں جن کے ساتھ تم دوستی کر

سکتے ہو ۔

٭٭٭٭٭٭٭٭٭

آنکھ کے پانی اور سمندر کے پانی میں صرف جزبات کا فرق ہوتا ہے ۔

٭٭٭٭٭٭٭٭

Famous Urdu Quotes

کہاوتیں اور مثالیں عقلمندوں اور عبرت حاصل کرنے

والوں کے لیے بیان کی جاتی ہیں ۔ نادانوں کو اس سے

کوئی فائدہ نہیں ہوتا ۔

٭٭٭٭٭٭٭٭٭٭

آپ سیکھنا چاہیں تو آپ کی ہر غلطی آپ کوسبق دے

سکتی ہے ۔

٭٭٭٭٭٭٭٭٭٭

دنیا میں کئی عجوبے ہیں لیکن انسان سے بڑا کوئی

عجوبہ نہیں ۔

٭٭٭٭٭٭٭٭

نظر جب تک نہ اٹھے پاک ہے ۔

٭٭٭٭٭٭٭٭

اکثر مصائب جو امیروں کو در پیش ہوتے ہیں۔ غریب

ان سے محفوظ رہتے ہیں ۔

٭٭٭٭٭٭٭

سب سے بڑا علم نیکی ہے ۔ اور سب سے بڑی جہالت

بدی ہے ۔

٭٭٭٭٭٭٭٭

اپنی نیکیوں کے لئے پوشیدہ جگہ بناو ۔ جیسے

برائیوں کےلئے بناتے ہو ۔

٭٭٭٭٭٭٭٭

جو لوگ مطالعہ نہیں کرتے ' ان کے پاس سوچنے

کے لئے بہت کم باتیں ہوتی ہیں ۔

********

Famous Urdu Quotes

اقوال زریں

٭٭٭٭٭٭٭٭٭٭

 

کسی انسان کی غصے اور جھگڑے کے دوران

ہونے والی گفتگو اس کے گھریلو ماحول کی

عکاس ہوتی ہے ۔

٭٭٭٭٭٭٭٭٭٭

زمانہ خواہ کتنا ہی جدت پسند ہو جائے ، روائتی

لباس اور حیا ہمیشہ ہی قابل تعریف ہوتے ہیں ۔

٭٭٭٭٭٭٭٭

محنت اور محبت دونوں ہی انسان کو سنوارتے ہیں ۔

٭٭٭٭٭٭٭٭

نصیحت میں تاثیر تب ہوتی ہے جب کہنے والا

باعمل بھی ہو ۔

٭٭٭٭٭٭٭٭

اچھی بات دیوار پر بھی لکھی ہو تو اسے قبول کرو ۔

٭٭٭٭٭٭٭٭

نگاہیں جھکا کر رکھو تاکہ دل کی حفاظت ہو ۔

٭٭٭٭٭٭٭٭

لاعلمی کا اعتراف بھی نصف علم ہے ۔

٭٭٭٭٭٭٭

جس انسان میں جس قدر قوت برداشت ہو گی،

اس کی زندگی اس قدر سہل ہو گی ۔

٭٭٭٭٭٭٭

چکھے بغیر کوئی چیز منہ میں مت ڈالو، اور

پڑھے بغیر کسی کاغذ پر دستخط نہ کرو ۔

٭٭٭٭٭٭٭

زندگی کے آدھے غم انسان دوسروں سے غلط

توقعات وابستہ کرکے خریدتا ہے ۔

٭٭٭٭٭٭٭٭

سچی محبت یہ ہے کہ بچھڑ جانے کے بعد تم اس

کی کسک محسوس کرو ۔

٭٭٭٭٭٭٭

انسان سے مت مانگو ، ہو سکتا ہے کسی دن

وہ طعنہ دے ۔ خدا سے مانگو ، وہ اپنے بندوں

کو دے کر خوش ہوتا ہے ۔

٭٭٭٭٭٭٭٭٭

Urdu Aqwal-e-Zareen

" اقوال زریں "

٭٭٭٭٭٭٭٭٭٭

اس کا غم نہ کرو ، جو تجھے ملا نہیں ۔ بلکہ

اس کی قدر کرو ، جو تیرے پاس موجود ہے ۔

٭٭٭٭٭٭٭٭

خاموشی ایک ایسا درخت ہے ، جس پر کبھی

کڑوا پھل نہیں لگتا ۔

٭٭٭٭٭٭٭

شکوہ خدا سے نہ کرو ، گناہ گار کہلاؤ گے ۔

بندوں سے نہ کرو ، مایوسی ہو گی ۔ تقدیر سے

نہ کرو ، سن نہیں سکتی ۔ سماج سے نہ کرو ،

کہ اجازت نہیں اور اپنے آپ سے نہ کرو ،کہ

پاگل کہلاؤ گے ۔

٭٭٭٭٭٭٭٭٭

بدگمانی ایک ایسی آگ ہے جو ہرے بھرے

درخت کو جلا کر راکھ کر دیتی ہے ۔

٭٭٭٭٭٭٭٭

کبھی کسی کو مت یہ مت کہو کہ تم مجھے

یاد رکھنا کیونکہ اگر آپ یاد رہنے کے قابل ہو

گے ، تو یقینا اسے یاد رہ جاؤ گے ۔

٭٭٭٭٭٭٭٭٭٭

جانے والے کو کبھی نہ روکو اور آنے والے

کو " ویلکم " کہو کیونکہ جانے والے رکنے

سے نہیں رکتے اور آنے والے روز روز نہیں

آتے ۔

٭٭٭٭٭٭٭٭

زندگی مسکرا کر بسر کرو ۔ دنیا رونے والے

کے نہیں روتی ۔

٭٭٭٭٭٭٭

اگر ماں باپ کی دعائیں ساتھ ہوں تو پھر کسی

اور دعا کی ضرورت نہیں ہوتی ۔

٭٭٭٭٭٭٭٭

کچھ تعلق انا سے ٹوٹ جاتے ہیں لیکن کچھ

رشتوں کو قائم رکھنے کے لئے انا ضروری

ہوتی ہے ۔

٭٭٭٭٭٭٭

زندگی ایک ایسی ٹرین ہے ، جو ہمیشہ ایسے اسٹیشن

پر رکتی ہے جہاں آپ اترنا نہیں چاہتے ۔

٭٭٭٭٭٭٭٭

بعض اوقات بھلائی کسی اور کے ساتھ  کی جاتی ہے

اور اس کی قدر کوئی اور کرتا ہے ۔

٭٭٭٭٭٭٭٭٭٭

اگر آپ سب کچھ کھو چکے ہیں تو مایوس ہونے کی

ضرورت نہیں ۔ جو سب کچھ کھو دیتا ہے ۔ اس کے

پاس پانے کے لئے پوری دنیا ہوتی ہے ۔

٭٭٭٭٭٭٭٭

٭٭٭٭٭٭٭٭٭٭

Urdu Quotes

عقل نام ہے یہ جاننے کا کہ آپ کتنے بےوقوف ہیں۔ "

٭٭٭٭٭٭٭٭٭٭

" خاص آدمیوں میں اچھا صرف وہ ہوتا ہے جو عام ہوتا ہے ۔ "

٭٭٭٭٭٭٭٭٭

" صلاحیت " نام ہے اس کا کہ آپ کیا کر سکتے ہیں ۔ " ہمت "

یہ کہ آپ کس حد تک کر سکتے ہیں ۔ اور " نیت " یہ کہ کتنا

اچھا کر سکتے ہیں ۔

٭٭٭٭٭٭٭٭

اگر آخری منٹ نہ ہو تو کبھی کوئی کام نہ ہو سکے ۔

٭٭٭٭٭٭٭

بےوقوفوں کی محفل میں عقل مند اچھا خاصا بےوقوف

لگتا ہے ۔

٭٭٭٭٭٭٭

آپ جتنا بھاگنا چاہیں بھاگ لیں ، ماضی آپ کا پیچھا نہیں

چھوڑے گا ۔

٭٭٭٭٭٭٭

آدمی بلندی کو اس وقت چھوتا ہے ، جب جھک کر کسی گرے

ہوئے کو اٹھا رہا ہو ۔

٭٭٭٭٭٭٭٭

یادداشت کھو دینے کا ایک فائدہ یہ ہے کہ آدمی روزانہ نئے

آدمیوں سے ملتا ہے ۔

٭٭٭٭٭٭٭٭

 *********