Famous Urdu Poets

حادثات کا شاعر ، درد و الم کی مکمل تصویر کشی کرنے

والا ایک نام " ساحر لدھیانوی " ۔

٭٭٭٭٭٭٭٭٭٭٭

دنیا نے تجربات و حوادث کی شکل میں

جو کچھ مجھے دیا ہے وہ لوٹا رہا ہوں میں

ان کی ایک مختصر نظم سے دو اشعار ۔

اس رینگتی حیات کا کب تک اٹھائیں بار

بیمار اب الجھنے لگے ہیں طبیب سے

اس طرح زندگی نے دیا ہے ہمارا ساتھ

جیسے کوئی نبھا رہا ہے رقیب سے

٭٭٭٭٭٭٭٭٭٭٭

Famous Urdu Poetry

انسانی کیفیتوں کو اپنی زبان سے ادا کرنے والا

ایک عظیم نام " فیض احمد فیض "

٭٭٭٭٭٭٭٭٭٭

تمہارے حسن سے رہتی ہے ہمکنار نظر

تمہاری یاد سے دل ہمکنار رہتا ہے

رہی فراغت ہجراں تو ہو رہے گا طے

تمہاری چاہت کا جوجو مقام رہتا ہے

فیض کے ہاں محبوب کے حسن کو خراج عقیدت

کچھ ایسے پیش کیا جاتا ہے

تیرا جمال نگاہوں میں لے کے اٹھا ہوں

نکھر گئی ہے فضا تیرے پیرہن کی سی

نسیم تیرے شبشتان سے ہو کے آئی ہے

میری سحر میں مہک ہے تیرے بدن کی سی

٭٭٭٭٭٭٭٭٭٭٭٭

Famous Urdu Poems

نظم 

 ( حبیب جالب کی شاعری سے انتخاب )

ماں

٭٭٭٭٭٭٭٭٭٭

بچوں پہ چلی گولی

ماں دیکھ کر یہ بولی

یہ دل کے میرے ٹکڑے

 یوں روئیں مرے ہوتے

میں دور کھڑی دیکھوں

یہ مجھ سے نہیں ہو گا

٭٭٭٭٭٭٭٭٭٭

دستور

٭٭٭٭٭٭٭٭٭

دیپ جس کا محلات ہی میں جلے

چند لوگوں کی خوشیوں کو لے کر چلے

وہ جو سائے میں ہر مصلحت کے پلے

ایسے دستور کو صبع بے نور کو

میں نہیں مانتا ، میں نہیں مانتا

٭٭٭٭٭٭٭

جمہوریت

٭٭٭٭٭٭٭

یہ ملیں یہ جاگیریں

کس کا خون پیتی ہیں

بیرکوں میں یہ فوجیں

کس کے بل پر جیتی ہیں

کس کی محنت کا پھل

داشتائیں کھاتی ہیں

جھونپڑوں سے رونے کی

کیوں صدائیں آتی ہیں

جب شباب پر آ کر

کھیت لہلہا جاتا ہے

کس کے نین روتے ہیں

کون مسکراتا ہے

کاش تم بھی سمجھو

کاش تم بھی جانو

اسی کروڑ انسانوں

٭٭٭٭٭٭٭٭٭٭٭

Famous Urdu Poets

تمہاری سالگرہ پر ،   پروین شاکر

٭٭٭٭٭٭٭٭٭

یہ  چاند  اور  یہ   ابر رواں   گزرتا   رہے

جمال   شام  تہہ  آسمان       گزرتا    رہے

بھرا رہے تری خوشبو سے تیرا صحن چمن

بس  ایک  موسم عنبر  فشاں  گزرتا   رہے

سماعتیں ترے لہجے سے پھول چنتی رہیں

دلوں کے ساز  پہ  نغمہ  خواں  گزرتا رہے

خدا کرے تیری آنکھیں ہمیشہ ہنستی رہیں

دیار   وقت  سے  تو  شادماں  گزرتا  رہے

میں خود کو دیکھ نہ پاؤں تو کچھ ملال نہیں

کہیں  ہو  تو  ،  ستارہ  نشاں  گزرتا   رہے

مرا  ستارہ  کہیں  ٹوٹ   کر   بکھر   جائے

فلک  سے  تیرا  خط  کہکشاں  گزرتا  رہے

میں تجھ کو دیکھ سکوں آخری بصارت تک

نظر کے سامنے بس اک سماں گزرتا رہے

میں تیرا ساتھ نہ دے پاؤں پھر بھی تیرا سفر

گلاب و  خواب  کے  ہی  درمیاں  گزرتا  رہے

٭٭٭٭٭٭٭

Famous Urdu Ghazals

ساغر صدیقی کی غزل

٭٭٭٭٭٭٭

ہے  دعا  یاد  مگر  حرف    دعا    یاد    نہیں

میرے    نغمات   کو   انداز    نوا    یاد    نہیں

میں نے پلکوں سے دیار یار پہ دستک دی ہے

میں وہ سائل ہوں جسے کوئی  صدا  یاد   نہیں

ہم جن کے  لئے  راہوں  میں  بچھایا  تھا  لہو

ہم  سے  کہتے  ہیں  وہیں  عہد  وفا  یاد  نہیں

کیسے  بھر  آئیں  سرشام  کسی  کی  آنکھیں

کیسے  تھرائی  چراغوں  کی  ضیا  یاد  نہیں

صرف دھندلائے ستاروں کی چمک دیکھی ہے

کب  ہوا ،  کون  ہوا  کس  سے  خفا  یاد  نہیں

زندگی  جبر  مسلسل   کی  طرح   کاٹی   ہے

جانے کس جرم کی  پائی  ہے  سزا  یاد  نہیں

آؤ   اک  سجدہ   کریں  عالم   مدہوشی   میں

لوگ  کہتے  ہیں  ساغر   کو  خدا   یاد   نہیں

٭٭٭٭٭٭٭